KORÇË- Sipas Policisë së Korçës Tahir Murati dhe Ali Peposhi në bashkëpunim me njëri tjetrin u merrnin emigrantëve shuma nga 300 deri në 1000 euro për t’i ndihmuar të kalonin në mënyrë të paligjshme kufirin.
Këta dy shtetas janë identifikuar nga blutë e Korçës duke transportuar 10 emigrantë të paligjshëm nga vendet e treta. Policia ka sekuestruar furgonin me të cilin po transportoheshin emigrantët, dy celularë dhe një vlerë monetare.
NJOFTIMI I POLICISË:
Dy shtetasit e mësipërm u kapën në flagrancë nga shërbimet e Policisë, në unazën e qytetit të Korçës, pranë vendit të quajtur “Kryqëzimi i Ersekës”, teksa po transportonin me një automjet (furgon), me drejtues shtetasin T. M. dhe pasagjer shtetasin A. P., kundrejt pagesave 300-1000 euro/person, 10 emigrantë nga vendet e treta, me qëllim kalimin ilegal të kufirit, me destinacion final shtetet e BE-së.
