FRANCË- Mijëra demonstrues janë mbledhur këtë pasdite në ‘Place de la Concorde’ në Paris në përgjigje të lëvizjes së presidentit Macron. Deputetët e opozitës në Asamblenë Kombëtare përshëndetën kryeministren Élisabeth Borne dhe kënduan himnin kombëtar francez – La Marseillaise ndërsa ajo foli për reformat e diskutueshme të pensioneve të qeverisë.
Sakaq, Asambleja Kombëtare që kundërshton projektligjin e pensioneve tani ka më pak se 24 orë për të paraqitur një mocion mosbesimi. Nëse ky mocion refuzohet, plani i Macron për të rritur moshën e pensionit do të vazhdojë. Por nëse Asambleja Kombëtare voton në favor të mocionit, propozimet refuzohen dhe kabineti i Macron duhet të japë dorëheqjen.
![Kaos në Francë/ Mijëra protestues mblidhen rreth Parlamentit,](https://cdnimpuls.com/dosja.al/media3/-640-0-1678991451xprotestuesit6-980.jpg)
Është e paqartë se kur mund të zhvillohet saktësisht një votim mosbesimi, por nëse ndodh, pritet gjerësisht në fillim të javës së ardhshme.