TIRANË– Ka ardhur reagimi i parë nga ana e qeverisë pas goditjes me grusht të kreut të Partisë Demokratike Sali Berisha në protestë. Ka qenë ministrja e Energjisë dhe Infrastrukturës Belinda Balluku ajo që në një prononcim për mediat tha se nuk ka dijeni për ngjarjen pasi ka qenë në samit por shtoi se uron që kryedemokrati të jetë mitrë me shëndet.
‘Lideri i opozitës është gjakosur, Nuk kam informacion, kam qënë në marrëveshje. Aktet e dhunës nuk janë të mira, shpresoj që Berisha të jetë mirë me shëndet.‘- tha Balluku.
Kryetari i Partisë Demokratike Sali Berisha u godit me grusht në fytyrë nga 31-vjeçari Gentian Shehu gjatë kohës që po marshonte nga selia e PD drejt bulevardit ‘Dëshmorët e Kombit’ ku do bashkohej me protestuesit. Shehu ka ardhur në mënyrë të rrufeshme nga turma dhe goditi në fytyrë Berishën. Në këtë moment kreu i PD ka rënë në tokë ndërsa ai është neutralizuar nga trupërojat.
