‘Grusht shteti pa tanke’/ Meta ngre alarmin: Mafia kontrollon shtetin. Kjo bandë po zhbën identitetin kombëtar!
‘Grusht shteti pa tanke’/ Meta ngre alarmin: Mafia kontrollon shtetin. Kjo bandë po zhbën identitetin kombëtar!
Ish-presidenti Ilir Meta foli me tone të ashpra në Konventën Kombëtare të Lëvizjes Socialiste për Integrim.
Duke e quajtur qeverinë të korruptuar, Meta tha se mafia kontrollon shtetin dhe po tenton zhbërjen e identitetit kombëtar të shqiptarëve.
Oligarkët dhe politikanët, shtoi Meta, po zhvatin pasuritë e vendit, ndërsa populli gjithnjë e më shumë sheh si rrugëzgjidhje largimin nga vendi.
“Është bërë gjithçka për të përmbysur sistemin që një grup oligarkësh e politikanësh nuk bëjnë gjë tjetër veçse plaçkisin popullin me pasuritë mbi dhe nën tokësore, në ajër e det dhe viktima është populli i Shqipërisë, të rinjtë e të rejat, që duan t’i përzënë për të shteruar energjinë e kombit, që ku vend të mos ketë njerëz me ëndrra që cënojnë pushtetin e kleptokratëve.
Me idenë ç’do hamë sot, ç’do rruajmë nesër?
Ndaj jemi në këtë situatë, zhbërja është mënyra më e mirë për të realizuar atë që nuk realizuan pushtuesit. Në 5 vite ndodhi një grusht shteti pa tanke por me procedura, edhe me ekspertizë të huaj. Na mësuan se si Parlamenti monist, jo pluralist mund të marrë anëtarët e Gjykatës Kushtetuese që i propozon presidenti, i çon të betohen tek noterja e Lanës. Dhe Parlamenti thotë u zgjodh. Noterja e mençur thotë, nuk bëri betim tek unë, por diku tjetër. Tek unë thjeshtë vërtetoi identitetin, pagoi atë tarifën se kjo është puna e saj”, tha Meta.
“Shqipëria sigurisht që është kampione e korrupsionit në rajonin tonë dhe më gjerë. Sa i takon ryshfetit jemi të dytët në botë. Për vitin 2022 sipas TIA jemi të 110-tët, vendi më nivelin më të lartë të korrupsionit në rajon dhe ndër më të lartët në botë. Edhe rezoluta e PE thoshte se Shqipëria ka humbur nga viti 2016, 27 vende, viti kur votuam reformën ën drejtësi që do të çrrënjoste korrupsionin. Por ai dhe ortaku i tij e kthyen në Rama-formë. është përkeqësuar 27 vende. Situata është tepër kritike dhe nuk mund të presim falimentimin e Shqipërisë. është një moment i rëndësishëm reflektimi për situatë kritike që të mos përfundojmë në falimentim. Nëse paga minimale është 250 euro, kthehet në 50 euro, se kreditorët janë të pamëshirshëm”, vijoi Meta.
