Ngritja e shërbimeve sociale komunitare të munguara si dhe zgjerimi i hartës së shërbimeve sociale për grupet në nevojë është synimi i Ministrisë së Shëndetësisë dhe Mbrojtjes Sociale nëpërmjet Fondit Social.
Ministrja e Shëndetësisë dhe Mbrojtjes Sociale, Albana Koçiu ka vizituar Qendrën e Zhvillimit në Bashkinë Sarandë ku marrin shërbim 35 fëmijë me aftësi të kufizuara si dhe mosha e tretë.
“Jemi në qytetin e Sarandës ku së bashku me bashkinë e këtij qyteti dhe me mbështetjen e Ministrisë së Shëndetësisë dhe Mbrojtjes Sociale, investojmë në shërbime për grupet në nevojë. Ky është një shërbim model që ofrohet për tre kategori vulnerabël, moshën e tretë, personat me aftësi të kufizuar, fëmijët dhe familjet në nevojë”, theksoi Koçiu.
Ministrja deklaron se ky model do të shtrihet në të gjtha bashkitë e vendit. “Modeli i shërbimeve sociale i cili do të ofrohet në të 61 bashkitë e vendit, falë edhe mbështetjes së MSHMS-së duke investuar dhe duke mbështetur nëpërmjet Fondit Social shërbimet e dedikuara shtresave në nevojë, do të jetë një nga pikësynimet dhe një nga objektivat për vitin 2024”, nënvizoi ministrja Koçiu.
MSHMS ka mundësuar nëpërmjet Fondit Social ngritjen e 12 shërbimeve të reja në 12 bashkitë e vendit gjatë vitit 2023 më 4 000 përfitues.
Në këto shërbime sociale komunitare janë ofruar 3 tipologji të reja duke e dërguar shërbimin pranë familjeve në nevojë, si asistenca shtëpiake për të moshuar, njësitë e levizsshme në zonat rurale për PAK dhe shërbimet e emergjencës për kategoritë vulnerabël.
![](https://i0.wp.com/albaniatimes.net/wp-content/uploads/2024/01/673d6447-4796-4293-98a1-eb66b0209d1f-1024x683.jpg?resize=1024%2C683&ssl=1)
![](https://i0.wp.com/albaniatimes.net/wp-content/uploads/2024/01/a0f5a43a-573c-4a84-956b-d50a4645633b.jpg?resize=1024%2C683&ssl=1)
![](https://i0.wp.com/albaniatimes.net/wp-content/uploads/2024/01/afd6236c-2c58-46db-9637-3825025b9b59.jpg?resize=1024%2C683&ssl=1)
![](https://i0.wp.com/albaniatimes.net/wp-content/uploads/2024/01/fba92ced-f1d1-4df2-9975-c0ae62f3272f.jpg?resize=1024%2C683&ssl=1)