Tetori është muaji i ndërgjegjsimit ndaj kancerit të gjirit. Në media çdo gjë kthehet në rozë për të sensibilizuar kancerin e gjirit. Në fakt çdo muaj duhet të jetë ndërgjegjsues për shëndetin tonë, por këtë mesazh na e përcjell edhe Doktor Gerald Kola.
Sot i ftuar në programin “Zgjohu në MCN” Dr.Gerald Kola hap emisonin me një mesazh sensibilizues për çdo vajzë dhe grua. Dr. Kola tregon gjithashtu edhe gjërat që çdo vajzë dhe grua duhet të ketë parasysh.
“Përpara se të fillojm emisionin kam një mesazh sensibilizues meqë jemi në muajin tetor për kancerin e gjirit, që është një temë shumë e prekshme dhe shumë sensibile sidomos për këtë muaj. I bëj një thirrje të gjitha grave, nënave dhe vajzave mbi 18 vjeç që të bëjnë të gjitha testet minimialisht, gjakun komplet dhe ekon e gjirin.” – thotë ai.
Gjithashtu ai tha dhe një parantezë për mamografinë.
“Mamografia duhet bërë vetëm kur ne te zbulojmë diçka. Duhet të keni parasysh vetkontrollin në dush dhe më pas nëse nuk shkon diçka duhet të bëjmë ekon e gjirit e cila është baza dhe nuk ka rreze të dëmshme. Kanceri i gjirit është më i shpeshti, por edhe me i kurueshmi nëse kapet në fazat e para. Më mirë të parandalosh, sesa të kurosh dhe më mirë të kapet në faza të hershme, sesa në fund. Kështuqë ju lutem nëna, vajza , gra mbi 18 vjeç bëni një kontroll dhe kujdesin për veten të paktën gjatë këtij muaji, sepse ky muaj ju dedikohet ju.” – shtoi Dr. Gerald Kola.
