E dimë, pyetjet e thella janë ato që të bëjnë të njohësh njerëzit më mirë, por mos po harrojmë edhe pyetjet bazike dhe gallatë? Ato krijojnë biseda spontane dhe të qeshura, ndaj ja ku e ke një listë me pyetje të tilla:
- Ç’mendon për hyrjen e Sabianit në “BBVA”?
- Cila është gjëja më bazike tek ti?
- Cila është kënga më e sikletshme, por që ti vdes për të?
- Si të zë pija?
- Cila është karakteristika jote më e keqe, bazuar në shenjën e horoskopit?
- Nëse do mund ta ndryshoje emrin, si do e vije?
- Rrjeti social i preferuar?
- Nëse do të ishe i/e famshëm/me, për çfarë do të doje të njiheshe?
- Cila është ajo gjë rreth teje që shpreson që prindërit të mos e marrin vesh kurrë?
- Beson në fantazma/xhinde/magji?
- Nëse do të na pushtonin alienët, si do të mbijetoje?
- Cili është postimi më i sikletshëm që ke në Facebook?
- Thashethemi më i çuditshëm që ke dëgjuar për veten?
- Çifti i famshëm që sipas teje, nuk shkon fare?
- Ç’do bëje sikur të ishe president për një ditë?
- Cili është vendi më i keq ku mund të ndahesh me dikë?
- Nëse do të dëgjojë një këngë për gjithë jetën, cila është ajo?
- Nëse do të bëhej një film për jetën tënde, cili personazh do të luante rolin tënd?
- Pozicioni i seksit që mendon se është i mbivlerësuar?
- Cili është V.I.P-i yt i preferuar?
- A do të ishe shok/qe me veten tënde në gjimnaz?
- Gjëja më e çuditshme që bën kur je vetëm?
- Gjëja më e çuditshme që kanë marrë vesh prindërit për ty?
- Mendon se je një gënjeshtar/e i/e mirë?
- Cili është ai profesion për të cilin s’ke njohuri, por do ta bëje shumë mirë?
- A ke ndonjë person që është kaq i afërt me ty, sa ndonjëherë luan rolin e terapistit?
- Gjëja më qesharake për të cilën ke qarë?
- E zëmë se nesër do të ndryshosh trupin me ish-in. Cila është gjëja e parë që do të bëje?
- A i stalk njerëzit në rrjetet sociale?
- Nëse do të ishe një koktej, cilin do të zgjidhje?
- Gjëja më e sikletshme që ke bërë kur ke qenë tapë?
- Zgjidh: 15% më tërheqës/e, apo 50% më i/e zgjuar?
- Cili është ai film që të ka bërë keq fare për të qarë?
- Justifikimi i preferuar për t’i bërë bisht një plani?
- Cili është emoji yt i preferuar?
- Lënda më e tmerrshme që mban mend nga shkolla?
- Kur ishim në pandemi, si e shtyje kohën? Zbulove ndonjë pasion të ri?
- Gjëja e fundit që ke kërkuar në Google?
- Gjëja e fundit që mësove, por që të erdhi çik turp që nuk e dije?
- Cila figurë historike do të doje të ishe?
- Nëse do të ngecje në ashensor me një ish, kë do të zgjidhje?
- Një personazh fiktiv që do të doje të ishte real?
- Cili është parfumi yt i preferuar?
- Kush është sot për sot mbretëresha e muzikës shqiptare?
- Kush do të ishe nga klani Kard-Jenner?
- Takimi romantik më i sikletshëm?
- Gjëja e fundit për të cilën ke gënjyer?
- Në botën e modës, cili është trendi më i tmerrshëm?
- Një mit seksi që ke besuar kur ke qenë fëmijë?
- Nëse do të mund të ndryshoje shenjën e horoskopit, me cilën do ta ndryshoje?
- Cila ishte kolona zanore e jetës tënde?
- Sa orë në ditë shpenzon në TikTok?/Anabel
