ELBASAN– Familjarët e të arrestuarve në kuadër të operacionit të Policisë në Elbasan shprehen të shqetësuar për gjendjen shëndetësore të të afërme të tyre dhe deklarojnë se nuk kanë asnjë oinformacion se përse janë arrestuar pavarësisht se kanë orë të tëra jashtë ambienteve të Policisë së Elbasanit. Nëna e një të riu të arrestuar tha për mediat se i biri nuk merret me drogë dhe se janë terrorizuar nga ndërhyrja e Policisë në orët e para të mëngjesit. Ndërsa një e moshuar tregoi se i kanë arrestuar nipin.
Qytetarja 1: Më morën çunin. Dyshonin te nipi për drogë, por nuk gjetën gjë. I morën për të sqaruar diçka. Ka që në orën 6 djali këtu. U trembëm, sikur kemi kriminelë në shtëpi (qan) Pse në diktaturë jemi ne? Ne po jetojmë mes kriminelëve. Nipi dikur ka bërë tregti droge, po kjo nuk është e vërtetë. Ne jemi në diktaturë. Janë bërë me keq se Putini që po vret njerëz andej.
Qytetarja 2: Na erdhi policia në orën 4 të mëngjesit. Më morën djalin. Ç’ne djali im të merret me drogë? Ai po bën 4 muaj pa dalë nga shtëpia, është mbyllur në vetvete, se ka pasur probleme me gruan. Ka kaluar në depresion. Asgjë nuk gjetën në shtëpi, e përmbysën. Edhe valixhet përmbysën. Nuk ia çova dot ilaçin e hundës djalit, se ai nuk merr dot frymë fare. Për avokat nuk kam lekë, s’kam bukë të haj. Jemi pensionistë, nuk merremi me gjëra të pista,
