TIRANË– Përfaqësuesi ligjor i Partisë Demokratike Indrit Sefa e ka cilësuar si të papranueshëm vendimin e Kryekomisionerit të zgjedhjeve Ilirijan Celibashi për mosregjistrimin e Partisë Demokratike në zgjedhjet vendore të 14 majit. Sipas tij vendi ynë ka 30 vite që qeveriset nga të njëjtët persona dhe se kreu i KQZ u shërben atyre. Pyetjes se pse ish-kryedemokrati Lulzim Basha, i cili në regjsistrat e gjykatës rezulton ende si kryetar nuk e firmosë shkresën që kërkohet nga KQZ, Sefa tha se duke qenë se Basha është i dorëhequr çdo vendim i firmosur prej tij nuk ka vlerë.
Indrit Sefa: Një pjesë e politikës janë 30 vite që qeverisin bashkë, edhe komisioneri është produkt i kësaj politke.
Pyetje: I berishës apo Ramës?
Indrit Sefa: Atë e di fare mirë komisioneri, ai e di shumë mirë se kujt i shërben. Komisioneri la vetes dhe PD-së 48 orë afat që të plotësonte të metat. Iu bë e qartë që nuk do të plotësohej asgjë, ndaj në atë moment që në atë ditë, Komisioneri duhet të zhvillonte mbledhjen dhe të jepte vendimin. Nuk e ka bërë, fakti tjetër, që siç ishte edhe në seancë dëgjimore, që kërkesa duhet t’i veçonte, në mënyrë ektra ligjore dhe të cucditshme bën dy kërkesa bashkë. Dhe në rast se ne do të kishim të drejtë të regjistroheshim, pala tjetër do të ankohej. Kjo është kundër PD.
Pyetje: Keni sjellë dokumente në KQZ dokumente me emrin e Lulzim Bashës, pse nuk e sillni deklaratën solemne me emrin e Bashës?
Indrit Sefa: Po të përgjigjem shumë thjesht, në regjistrin e partive politike, nuk depozitohet akti i dorëheqjes
Pyetje: E kuptuam, pse refuzoni të vijë Basha të firmosë?
Indrit Sefa: Ka dhënë dorëheqjen, çdo akt i bërë prej tij pas dorëheqjes nuk ka vlerë.
