KOSOVË- Plagosja e dy të rinjve në fshatin Drajkovc të Shtërpcës ka bërë që të rikthehen tensionet në veri. Kështu serbët kanë bllokuar rrugën dhe kanë protestuar duke kërkuar prani më të madhe të trupave të KFOR në mënyrë që gjëra të tilla të moa përsëriten.
Policia e Kosovës, ka njoftuar se pas rastit të plagosjes së një 11 vjeçarit dhe një 21 vjeçarit të komunitetit serb, rruga që çon për në Shtërpcë është e bllokuar nga të dy drejtimet e lëvizjes.
Dy kushërinjtë Stefan Stojanoviç, 11 vjeç, dhe Millosh Stojanoviç 21 vjeç u qëlluan mbrëmjen e djeshme nga një shqiptar. Ata ishin duke ecur në rrugë kur u qëlluan nga makina në ecje. Policia e Kosovës ka arrestuar të dyshuarin A.K (M/K) i moshës 33 vjeçar, i cili dyshohet se ka plagosur dy serbët. Ky person, dyshohet se është pjesë e Forcave të Armatosura të Kosovës. Për ngjarjen ka reagua kryeministri i Kosovës, zyrtarë të lartë shtetëror dhe misione diplomatike.
