Ministria e Brendshme e Turqisë njoftoi se terroristi i dytë që ka kryer sulmin terrorist para ministrisë u përcaktua se është Özkan Şahin, anëtari i organizatës terroriste PKK/KCK.
Në një deklaratë nga ministria rikujtohet se përpjekja për sulmin tradhtar të kryer ditën e diel më 1 tetor nga 2 terroristë ndaj Ministrisë së Brendshme u parandalua si rezultat i kundërpërgjigjes së menjëhershme të policëve heronj dhe se terroristët u neutralizuan.
Ja çfarë thuhet në deklaratë:
“Si rezultat i hetimeve të kryera më parë dhe të analizave të ADN-së, u përcaktua se njëri prej terroristëve ishte anëtari i organizatës terroriste Hasan Oğuz me emrin e koduar “Kanivar Erdal.”
Hetimi i nisur nga njësitë tona të sigurisë vazhdon. Lufta kundër terrorizmit do të vazhdojë me këmbëngulje dhe vendosmëri deri në neutralizimin e terroristit të fundit.”
