Kreu i bashkisë së Tiranës Erion Veliaj, priti në një takim ambasadoren e Japonisë në Tiranë, Kikuko Kato, me të cilën diskutuan për punimet e samitit të Tokios.
Përmes një reagimi në rrjetin social X kryebashkiaku Veliaj bën me dije se ndër të tjera në samit do të prezantohet edhe projekti i Zonës së Teknologjisë dhe Zhvillimit Ekonomik (TEDA Tirana).
“Arigato! Kënaqësi takimi me Ambasadoren e Japonisë Kikuko Kato në përgatitje te vizitës së punës në Tokyo ku: – takojmë Guvernatoren e Tokios zj. Yuriko Koike – prezantojmë TEDA Tirana për teknologjinë & start-ups në Tech Tokyo summit – vizitojmë grupin e miqësisë ne ne Diet (parlamenti japonez) – pritje me komunitetin shqiptar në Tokio”, shkruan Veliaj në rrjetin social X.
Përmes TEDA Tirana, Bashkia e Tiranës synon të thithë investime të huaja direkte, duke zgjeruar gamën e industrive operuese në tregun shqiptar, me fokus te industritë prodhuese si sektori automotiv, teknologjia e informacionit, elektronikë, bioteknologji, tech-logistics etj. Ky projekt pritet të krijojë 5 mijë deri në 7 mijë vende pune të mirëpaguara. Gjatë vizitës në Tokio kryebashkiaku do të takojë Guvernatoren e Tokios Yuriko Koike si dhe komunitetin shqiptar atje.
![](https://i0.wp.com/albaniatimes.net/wp-content/uploads/2024/05/GNsBVAGbcAA9DvN.jpg?resize=994%2C1024&ssl=1)
![](https://i0.wp.com/albaniatimes.net/wp-content/uploads/2024/05/GNsBVACaAAAQaUl.jpg?resize=922%2C1024&ssl=1)
![](https://i0.wp.com/albaniatimes.net/wp-content/uploads/2024/05/GNsBVAPawAAdBSF.jpg?resize=1024%2C882&ssl=1)